السلام عليكم وأهلاً بكم في مدونة شهيوات بلادي 🌿
اليوم جبت ليكم وصفة مغربية مشهورة، كتجي فموائد المغاربة خصوصاً فرمضان، وهي: الحريرة المغربية ديال زمان، بوصفة تقليدية بنكهة الدار.
📝 المكونات:
- 250g لحم مقطع مربعات صغيرة
- كأس عدس
- كأس حمص (مبلل مسبقاً ومقشر)
- 1 بصلة مشلظة
- 3 مطيشات مطحونين
- 2 معالق كبار قزبور ومعدنوس مشلظين
- ملعقة صغيرة سمن
- نصف كأس شعرية رقيقة
- ملح – إبزار – سكينجبير – خرقوم – تحميرة
- 3 معالق دقيق أبيض + ماء (باش نعملو "التسبيكة")
👩🍳 طريقة التحضير:
- في طنجرة، نحطو الزيت والسمن واللحم والبصل، ونقليو مزيان.
- نزيدو التوابل، القزبور والمعدنوس، الحمص والعدس.
- نزيدو مطيشة مطحونة وكاس ديال الماء، ونخليو الكل يتقلى شوية.
- نزيدو 2 لتر ديال الماء، ونسدو الطنجرة حتى تطيب المكونات.
- من بعد، نزيدو الشعرية ونخليوها 5 دقايق.
- نخلطو الدقيق مع شوية ماء حتى يولي خفيف (بحال الحليب)، ونزيدوه على الحريرة شوية بشوية، مع التحراك باش ما تكتلش.
- نخليو الحريرة تغلي حتى تولي ثقيلة شوية، ونذوقوها باش نصححو الملح.
تقدم الحريرة سخونة، مزينة بقطرات من عصير الحامض وشي تمر بجنبها 😍
